Բժշկական արտադրատեսակների շրջանառության ոլորտում գործող փորձագիտական համայնք
Բժշկական արտադրատեսակների շրջանառության ոլորտում գործող փորձագիտական համայնքը համախմբող աշխատանքային խումբը հանդիսանում է խորհրդատվական-խորհրդակցական մարմին, որը ապահովում է Եվրասիական տնտեսական միության տարածքում բժշկական արտադրատեսակների շրջանառության ոլորտին առնչվող հարցերի վերաբերյալ առաջարկությունների և ուղեցույցների նախապատրաստումը, միասնական մոտեցումների մշակումը, խորհրդատվությունների իրականացումը և կրթական միջոցառումների կազմակերպումը։
Աշխատանքային խմբի հիմնական խնդիրներն են՝
- բժշկական արտադրատեսակների գրանցման ընթացքում անվտանգության, որակի և արդյունավետության գնահատման վերաբերյալ փորձագիտական եզրակացության համաձայնեցման առնչությամբ ռեֆերենտ պետության և ճանաչման պետության կամ պետությունների միջև առաջացած տարաձայնություններին վերաբերող հարցերի քննարկում՝ համաձայն բժշկական արտադրատեսակների անվտանգության, որակի և արդյունավետության գրանցման և փորձաքննության կանոնների, որոնք հաստատվել են Եվրասիական տնտեսական հանձնաժողովի խորհրդի 2016 թվականի փետրվարի 12-ի № 46 որոշմամբ,
- արտադրանքի տեսակային պատկանելիության վերաբերյալ հարցերի քննարկում,
- բժշկական արտադրատեսակների ըստ կիրառման պոտենցիալ ռիսկի դասակարգման հարցերի քննարկում,
- բժշկական արտադրատեսակների շրջանառության ոլորտում Միության իրավունքի մաս կազմող փաստաթղթերի կատարելագործման վերաբերյալ Առաջարկությունների պատրաստում, դրանք հետագայում Միության շրջանակներում բժշկական արտադրատեսակների շրջանառության կարգավորման միասնական մոտեցումների ձևավորման աշխատանքային խմբի քննարկմանը ներկայացնելու նպատակով։
Աշխատանքային խմբի առաջին հիմնադիր աշխատաժողովը տեղի է ունեցել 2025 թվականի հունիսի 21-25, ՌԴ Առողջապահության ոլորտում հսկողության դաշնային ծառայության և վերջինիս ենթակայության փորձագիտական կենտրոնի ФГБУ «ВНИИИМТ» նախաձեռնությամբ։ Ընթացիկ նիստերը անցկացվում են ըստ անհրաժեշտության հավաքագրված հարցերով ձևավորված օրակարգին համապատասխան։
Հանձնաժողովի նիստերում, ըստ անհրաժեշտության, քննարկման կարող են դրվել նաև բժշկական արտադրատեսակների շրջանառությանը մասնակից տնտեսավարող կողմերին հուզող հարցերը, որոնք կարող են ներկայացվել հետևյալ էլեկտրոնային հասցեով ։
Այս հարթակում կտեղադրվեն աշխատանքային խմբի հանդիպումների արձանագրությունները, ինչպես նաև աշխատանքային խմբի կողմից մշակված ուղեցույցները։
