Հարգելի գործընկերներ,

Հանրային քննարկման է ներկայացվել «Բժշկական արտադրատեսակների պետական գրանցման, գրանցումը մերժելու, կասեցնելու և գրանցման հավաստագիրը անվավեր ճանաչելու կարգը սահմանելու մասին» Հայաստանի Հանրապետության կառավարության որոշման նախագիծը (հասանելի է հետևյալ հղումով՝ https://www.e-draft.am/projects/8706 ):

Կարգի հաստատմամբ հնարավորություն կստեղծվի մինչև, 2014 թվականի դեկտեմբերի 23-ին ընդունված «Եվրասիական տնտեսական միության շրջանակներում բժշկական արտադրատեսակների (բժշկական նշանակության արտադրատեսակների և բժշկական տեխնիկայի)  շրջանառության միասնական սկզբունքների և կանոնների մասին համաձայնագրի 11-րդ հոդվածով սահմանված ժամկետի ավարտը (այս պահին սահմանված է 2025 թվականի դեկտեմբերի 31-ը, սակայն մշակվում է մինչև 2027 թվականի դեկտեմբեի 31-ը հետաձգելու նախագիծ) բժշկական արտադրատեսակների գրանցման ԵԱՏՄ միասնական կարգին զուգահեռ կիրառել նաև ներպետական կարգավորում:

Ներպետական կարգի՝ պարզեցված և ընդհանուր ընթացակարգերով գրանցված, բժշկական արտադրատեսակները իրավունք կստանան շրջանառելու միայն Հայաստանի Հանրապետության տարածքում:

Պարզեցվածը ընթացակարգը կիրառելի կլինի Բժշկական արտադրատեսակների կարգավորող մարմինների միջազգային համաժողովի (IMDRF) անդամ երկրներում կիրառման թույլտվություն (պետական գրանցում) ունեցող բժշկական արտադրատեսակների, ինչպես նաև Առողջապահության համաշխարհային կազմակերպության կողմից նախաորակավորած բժշկական արտադրատեսակների համար:

Բժշկական արտադրատեսակների գրանցման ընդհանուր ընթացակարգը հիմնականում կրկնելու է ԵԱՏՄ միասնական կարգի (Եվրասիական տնտեսական հանձնաժողովի խորհրդի 2016 թվականի փետրվարի 12-ի թիվ 46 որոշում) սկզբունքները, որոշ բացառություններով: 

Կարևորում ենք Ձեր ակտիվ մասնակցությունը նախագծի հանրային քննարկմանը:

Հարգանքով,

Կենտրոնի տնօրինություն