2015 թվականի հոկտեմբերի 1-ին Երևանի Իզմիրլյան բժշկական կենտրոնում Եվրասիական տնտեսական միության շրջանակներում տեղի ունեցած հանդիպման ընթացքում քննարկվեցին ԵՏՄ շրջանակներում դեղերի և բժշկական նշանակության պարագաների միասնական շուկային անցնելու գործընթացի կարգավորման օրենսդրական հիմքերը :
Հանդիպմանը մասնակցոմ էին ՀՀ առողջապահության նախարարության, ՀՀ ԱՆ ակադեմիկոս Է. Գաբրիելյանի անվան դեղերի և բժշկական տեխնոլոգիաների փորձագիտական կենտրոնի, դեղարտադրողների և ներմուծողների միության, ինչպես նաև դեղագործական ընկերությունների ներկայացուցիչները:
ԵՏՀ տեխնիկական կարգավորման վարչության աշխատակից Ա. Կրավչուկն իր ելույթում հանդիպման մասնակիցներին ներկայացրեց ոլորտւմ սպասվելիք օրենսդրական փոփոխությունները և ինտեգրման գործընթացները, որոնք վերաբերում են՝ դեղերի գրանցմանը, պատշաշ գործունեություններին, դեղերի փոխադարձ ճանաչումներին, վերահսկողությանն ու ռեեստրի վարման կարգերին:
Ողջունելով մասնակիցներին` ՀՀ ԱՆ փոխնախարար Գ. Միրիջանյանը, ՀՀ Միջազգային տնտեսական ինտեգրման և բարեփոխումների նախարարի առաջին տեղակալ Սուրեն Կարայանը և ԵՏՀ նախարար Կ. Մինասյանը հատկապես ընդգծեցին, որ նման հանդիպումները հնարավորություն են տալիս միասնական հարթակում ներկայացնել իրականացվող քայլերը, քննարկել առկա խնդիրները և գտնել կոմպրոմիսային լուծումներ:
Հանդիպման ընթացքում մի շարք հարցերի տրվեցին սպառիչ պատասխաններ: Եղան նաև հարցեր, որոնք արձանագրվեցին` հետագայում առավել մանրամասն ուսումնասիրելու և լուծումներ գտնելու նպատակով:
