ՀՀ-ում և ՌԴ-ում դեղագործական միջազգային ստանդարտների ներդրման ոլորտում միջազգային համագործակցությունը խթանելու նպատակով 2015 թվականի հոկտեմբերի 1-ին ՀՀ ԱՆ «Ակադեմիկոս Է. Գաբրիելյանի անվան՝ դեղերի և բժշկական տեխնոլոգիաների փորձագիտական կեննտրոն» ՓԲԸ-ն համագործակցության համաձայնագիր է ստորագրել Ռուսաստանի՝ «Դեղամիջոցների և պատշաճ արտադրության պետական ինստիտուտ» բյուջետային դաշնային կազմակերպության հետ:
Համագործակցության նպատակն է բնակչությանը բարձրորակ, արդյունավետ և մատչելի դեղամիջոցներով ապահովելու համար երկու հանրապետությունների համապատասխան օրենսդրական և կանոնակարգային դաշտի ներդաշնակեցումը; Դրա համար նախատեսվում է՝
-
Համակարգել կողմերի դիրքորոշումը դեղամիջոցների արտադրության և շրջանառության կանոնակարգման միջազգային համաժողովներում:
-
Տրամադրել դեղամիջողների արտադրության մեջ միջազգային ստանդարտների, մասնավորապես՝ Արտադրության պատշաճ պայմանների (GMP) ներդրման ոլորտում տեղեկատվության փոխանակում և իրավական-կազմակերպչական օժանդակություն:
-
Ապահովել արտադրության պատշաճ պայմանների ոլորտում գիտական և իրազեկման համատեղ գործունեություն:
-
Կազմակերպել արտադրության պատշաճ պայմանների ներդրման ոլորտում համատեղ խորհրդակցություններ, ուսումնական ծրագրեր, համաժողովներ ու սեմինարներ, մասնագետների ուսուցում` որակավորման բարձրացման նպատակով:
