Տպել 

asdsadsadsadsad

Սույն թվականի ապրիլի 29-ին ավարտվեց դեղերի կողմնակի ազդեցության դիտարկման համակարգի (Դեղազգոնության) վերաբերյալ երկամսյա դասընթացը մայրքաղաքի պոլիկլինիկաների բժիշկների համար:
Դասընթացը  համատեղ նախաձեռնել էին ՀՀ ԱՆ «Ակադեմիկոս Էմիլ Գաբրիելյանի անվ. դեղերի ևբժշկական տեխնոլոգիաների փորձագիտական կենտրոն» ՓԲԸ-ն և ՀՀ ԱՆ «Ակադեմիկոս Ս.Ավդալբեկյանի անվ. առողջապահության ազգային ինստիտուտը:  Նպատակն էր մասնագետներին իրազեկել դեղերի կողմնակի ազդեցության դիտարկում իրականացնելու համար գրանցման քարտ-հայտագիր լրացնելու սկզբունքներին ու օրենքով սահմանված պահանջներին:
Դասընթացի ավարտին մասնակիցներին տրվեցին հավաստագրեր:
Դասընթացը սկսվել էր  սույն թվականի փետրվարի 19-ին և մասնակցեցին Երևան քաղաքի 23 պոլիկլինիկաների մոտ 400 բժիշկ:
ՀՀ առողջապահության նախարարի հանձնարարությամբ ՀՀ-ում ԴԿԱ-երի մշտականդիտարկում էիրականացնում ՀՀ ԱՆ «Ակադեմիկոս Էմիլ Գաբրիելյանի անվ. դեղերի և բժշկականտեխնոլոգիաների փորձագիտական կենտրոն» ՓԲԸ-ն, որն անդամակցում է Առողջապահության Համաշխարհային Կազմակերպության (ԱՀԿ) դեղերի կողմնակի ազդեցությունների դիտարկման միջազգային կենտրոնին:
Նշենք, որ ՀՀ ԱՆ «Ակադեմիկոս Էմիլ Գաբրիելյանի անվ. դեղերի և բժշկականտեխնոլոգիաների փորձագիտական կենտրոն» ՓԲԸ-ն 2014 թվականին ընդգրկվել է ԱՀԿ դեղերի կողմնակի ազդեցությունների դիտարկման միջազգային կենտրոնին անդամակցող 20 լավագույն երկրների ցանկում՝ ըստ որակական ցուցանիշների (Uppsala report, April 2014, N 65):